2016-11-06 - Амжилттай суралцах 9 арга

1.  Өөрийнхөө  хүчинд итгэлтэй бай.                                                                                                                                                                                        Суралцах хүсэл эрмэлзэлтэй байж, мэдлэг эзэмших сонирхлоо хөгжүүлж ажилла. Өөрийнхөө хүчинд итгэхгүй байх шиг тийм гутамшиг гэж үгүй.
2. Сайн хөдөлмөрлөж , хөдөлмөрийг хайрлйж сур.                                                                                                                                                             Зохион бүтээгч Эдисоний " Шинжлэх ухаанд бүх зүйлийн 1%-ийг авьяасаар, 99%-ийг хичээл зүтгэлээр бий болгодог  " гэсэн үгийг санаж яв.
3. Цагийн хуваарь гарга.                                                                                                                                                                                                             Суралцах тодорхой дэг журмыг баримталж, ажил амралтаа зохицуулж бай. Хүнд хөнгөн хичээлийн даалгаврыг сэлгүүлэн зохицуулсан , өдрийн цагийн хуваарийг сайн бодож боловсруулан мөрдөж бай.
4. Бүх зүйлийг цээжлэх гэж бүү оролд.                                                                                                                                                                                    Ой тогтоолтондоо найдахын зэрэгцээ бие дааж сэтгэж сур. Сэтгэж ойлгосноор үзэгдэл юмсын учир шалтгаан , холбоог таниж мэднэ. Аль болохоор яагаад гэсэн асуулт өөртөө болон бусдад тавьж байх нь зүйтэй.
5. Дүрслэн мэдрэх гэсэн чухал мэдрэмжээ ашиглаж сур.                                                                                                                                                  Уншиж буй буюу багшийн яриаг сонсож байх үедээ судалж байгаа зүйлийг амьд, тодоор дүрслэн сэтгэхийг аль болохоор хичээж бай . " Хүний үүрэг зөвхөн мэдлэгээр дүүргэх бус харин гал ноцоох оч байх ёстой  " гэсэн үгийг санагтун.
6. Бие дааж суралцах чадвартай болох.                                                                                                                                                                               Багш л толгойд хийгээд өгчихнө гэж хүлээж болохгүй. Үүний оронд эрэл хайгуул хийж өөрөө бие дааж суралцах илүү үр дүн сайтай байдаг.
7. Цэгцтэй бай.                                                                                                                                                                                                                               Гэрийн номын сандаа хичээлийн хуваарь, цагийн хуваарь, ажлын схем, шаардагдах ном сурах бичиг зэрэг өөрт хэрэгтэй гэсэн зүйлүүдээ аль болох өөртөө ойр, олоход буюу авахад хялбар тависан байх хэрэгтэй.
8. Олсон мэдлэгээ ашиглаж сур.                                                                                                                                                                                                Өөртөө олж авсан мэдлэгийг хаана яаж хэрэглэхийг тогтмол эрж хайж бай. Бодлого ихи бод. Зохиож бай. Зөвхөн толгойгоороо биш гараараа ч бас ажилла.
9. Бага цагт ихийг хий.                                                                                                                                                                                                                  Даалгавараа аль болохоор бага цагт их хүч энерги зарцуулж хийхийг урлаг шаардагдана. Түүнийг эзэмш.                                              

• Сэтгэгдэл бичих

Сэтгэгдлүүд